سوق رأس المال
أسهم - سندات - صكوك - صناديق
تعرف إيه عن سوق رأس المال؟
هو سوق بيتم فيه بيع وشراء الأوراق المالية بين الشركات والأفراد وسعرها بيتحدد على أساس العرض والطلب، الأوراق المالية زي؛ الأسهم، السندات، الصكوك، صناديق الاستثمار، صناديق المؤشرات.
أنواع الأوراق المالية؟
أنواع سوق رأس المال
السوق الأولي
بنسميه مرحلة طرح الشركات: الشركات بتطرح أسهمها لأول مرة، يعني بيكون من الشركة للمستثمر
السوق الثانوي
ودا بيكون سوق التداول؛ هنا الأسهم بتتنقل عن طريق البيع والشراء بين البائعين والمشترين من غير تدخل الشركة. والسوق دا بيتقسم ل3 انواع:
السوق الرئيسي
دا السوق اللي فيه الشركات الكبيرة اللي بيكون رأس مالها أكبر من 100 مليون (يخضع لقواعد البورصة)
سوق تميز
دا السوق اللي فيه الشركات الصغيرة والمتوسطة اللي بيكون رأس مالها أقل من 100 مليون (يخضع لقواعد البورصة)
سوق خارج المقصورة
دا السوق اللي فيه الشركات اللي مش موجودة في النوعين السابقين (لا يخضع لقواعد البورصة)
أستثمر إزاي؟
اختار شركة وساطة مـالـيـة مـسـجـلة في الهيئة العـامــة للـرقـابـة المـالـيـة والبورصة المصرية
الشركة هتسجلك وتديك كود عشان تقدر تشتري وتبيع بيه في البورصة
اعرف الأدوات المالية المتداولة في البورصة
اعرف إجراءات التداول وتعرف على الشركات اللي في البورصة
تقدر تبيع وتشتري اونلاين من خلال الonline trading
تحمي نفسك إزاي؟
اتأكد من ىشركة السمسرة اللي أنت بتتعامل معاها أنها تكون مرخصة من الهيئة العامة للرقابة المالية
حدد المدة اللي أنت عايز تستثمر فيها فلوسك وكمان لازم تنوع استثماراتك على حسب أهدافك
من حقك تقدم شكوى من خلال البوابة الإلكترونية للشكاوى بالهيئة العامة للرقابة المالية https://complaints.fra.gov.eg لو حصلك أي مشكلة
مينفعش إنك تتداول في البورصة من غير وسيط مسجل و لازم تبقى عارف الوضع المالي بتاعك وتحدد هدفك قبل ما تستثمر
اعرف إنه من حقك تحويل حسابك لشركة سمسرة تانية لو الأولى قفلت
من حقك تطلب تعويض من "صندوق حماية المستثمر من المخاطر غير التجارية" لو شركة السمسرة فلست
الشركات المرخصة من الهيئة لمزاولة نشاط سوق رأس المال
