التأمين
تأمين على الحياة - الممتلكات - ضد أخطار الحوادث والمسئولية المدنية تجاه الغير
تفتكر إيه هو التأمين؟
وسيلة لحماية الأفراد والممتلكات من الأخطار اللي ممكن تحصل في المستقبل، من خلال دفع مبالغ مالية (أقساط) بيتم الاتفاق عليها مع شركة التأمين، وفي المقابل بيتم صرف تعويض مالي في حالة حدوث أي من هذه الأخطار.
ومن مميزات التأمين أنه بيعوض المؤمن عليه من الخسارة المادية اللي ممكن يتعرض ليها نتيجة حدوث الخطر ده، وبيساعد في الحفاظ على الثروات من خلال تعويض الخسائر اللي ممكن تحصل للممتلكات، وبيوفر مساندة ودخل للأفراد اللي بيتعرضوا لحالات عجز تمنعهم من أنهم يقدروا يوفروا دخل.
إيه هي أنواع التأمين؟
ما هي صيغ مزاولة التأمين ؟
إزاي أحصل على وثيقة تأمين؟
توجه إلى شركة التأمين مرخصة من الهيئة العامة للرقابة المالية، إذا كنت ترغب في التأمين على الحياة أو الممتلكات
يمكن زيارة المواقع الإلكترونية لشركات التأمين التي تقدم خدماتها إلكترونيا
يمكن الاستعانة بوسيط تأمين مسجل في الهيئة العامة للرقابة المالية للبحث عن التغطية التأمينية المناسبة لك وإنهاء إجراءات التأمين نيابة عنك
إزاي تحمي نفسك؟
متتعاملش مع شركة تأمين أو فرع مش مرخص له من الهيئة العامة للرقابة المالية
قبل توقيع وثيقة التأمين قدم كل البيانات والمعلومات الخاصة بك أو بالممتلكات اللي هتأمن عليها بدقة وصدق عشان تتجنب بطلان الوثيقة وضياع حقك في المستقبل
اقرأ وثيقة التأمين واتأكد من صحة بياناتك واعرف وثيقة التأمين بتغطي إيه ومش بتغطي إيه واعرف شروط الوثيقة كويس
ماتوقعش على أي نموذج فاضي أو غير مكتمل
من حقك الحصول على نسخ من العقود والمستندات اللي وقعت عليها واحتفظ بيها عندك في مكان آمن
ماتعملش توكيل عام لأي حد عشان ينجزلك وثيقة التأمين
لو عملت تعديلات جوهرية على الشيء المؤمن عليه بلغ شركة التأمين وإلا هيسقط حقك في التأمين
لو نقلت ملكية الشيء المؤمن عليه لشخص أو جهة تانية بلغ شركة التأمين قبل ما تبدأ في الإجراءات
لو حصل حادث لا قدر الله اعمل محضر شرطة فورًا لو ده ضمن شروط الوثيقة والتزم باخطار شركة التأمين خلال الفترة المتفق عليها في وثيقة التأمين
الشركات المرخصة من الهيئة لمزاولة نشاط التأمين
